Padi masive kundër kompanisë Dell

Kundër kompanisë Dell është nisur një padi masive e përdoruesve për shkak të shitjes së laptopëve Inspiron gjoja të parregullt.
Gjykata federale amerikane e apelit ka sjell një vendim i cili pranon kërkesën për padi masive të përdoruesve kundër kompanisë Dell për shkak të shitjes së laptopëve me gabime. Në fakt, kërkesa e njëjtë ishte refuzuar një herë në vitin 2008 nga ana e Gjykatës federale amerikane të qarkut e cila kishte rekomanduar padi individuale dhe marrëveshje të mundshme me kompaninë Dell.

Në padi thuhet se Dell ka shkelur ligjin mbi mbrojtjen e konsumatorëve në Kaliforni duke shitur laptopë Inspiron të cilët kanë pasur sistem të parregullt të ftohjes, të mbushjes dhe të pllakës amë. Këto probleme kanë shkaktuar fikjen e kompjuterëve pa paralajmërim, pamundësi të futjes në funksion të sistemit dhe prishje në përgjithësi të sistemeve.

Laptopët problematik ishin shitur nga muaji korrik i vitit 2004 deri në muajin janar 2005, ani pse deri më tani nuk ka informata se sa përdorues janë goditur nga ky problem.

Kompania Dell ende nuk i ka komentuar këto padi./Telegrafi/